गोल्डनपीक र भ्यालीपब्लिक स्कुल भद्रकाली कप अन्तर बिद्यालय बास्केटबल प्रतियोगितामा जुनियर ब्वाईजतर्फ सेमिफाईालमा प्रबेश गरेका छन् । शुक्रवार भएको जुनियर ब्वाईजको क्वाटरफाईनल खेलमा गोल्डनपीकले ग्रिनल्याण्डलाई ३९–३३ ले हराउदा पेम्बा शेर्पाले १४ स्कोर गरे । दोश्रोे क्वाटरफाईनल खेलमा भ्यालीपब्लिकले माउण्टकैलासलाई ३१–२ को फराकिलो अन्तरले हरायो । भ्यालीको जितामा साजन गुरुङ र सक्रिय अधिकारीले समान ११ स्कोर गरे । त्यस्तै अन्य क्वाटर फाईनल खेलबाट जित निकाल्दै सेब र एचएचसीए पनि सेमिफाईनलमा प्रवेश गरेका छन् । सेबले नवोर्दितलाई १३–९ ले हराउदा बाबुराम थापाले ६ स्कोर गरे । कृष्ण तामाङको १८ स्कोरको मद्दतमा एचएचसीएले सेन्ट जोभियरलाई ४३–३३ ले स्तब्ध बनायो ।