एनसीआर कप गोल्फ प्रतियोगितामा सहभागी हुन २ खेलाडीसहित ३ सदस्यीय नेपाली टोली आइतबार भारतको दिल्ली प्रस्थान गर्दैछ ।
अप्रिल ४ देखि ८ तारिखसम्म चल्ने प्रतियोगितामा शुक्रबहादुर राई र शिवकुमार माझीले प्रतिस्पर्धा गर्ने छन् । टिम व्यवस्थापकमा सुनसरी जिल्ला गोल्फ संघका सचिव तिलक राई रहेका छन् ।
टोलीलाई सफलताको शुभकामना दिदै राष्ट्रिय खेलकुद परिषद्का सदस्य–सचिव केशवकुमार विष्टले शनिबार त्रिपुरेश्वरस्थित आफ्नै कार्यकक्षमा राष्ट्रिय झण्डा हस्तान्तरण गरी बिदाइ गरे ।