‘आठौं सहवीर स्मृति खुल्ला लनटेनिस प्रतियोगिता–२०७२’ अन्तर्गत सोमबार सम्पन्न लनटेनिस तर्फको इन्टर गभर्मेन्टल सर्भिस इभेन्टको एकलतर्फको खेलमा निराजन श्रेष्ठले प्रेमकुमार शाहीलाई ६–३, ७–६ ले, संजय झाले दिवाकर के.सी.लाई ६–४, ६–२ ले र अमुल्यबहादुर सिंहले सचिन कर्माचार्यलाई ६–१, ६–१ ले पराजित गरे । सिजर गुरुङ्गले अर्जुनकुमार कार्कीलाई ६–५, ७–३ ले, पराजित गरेका छन् भने उत्तम बोगटी र त्रिभुवन विष्टले वाक ओभर पाई छनौट भएका छन् ।
यसैगरी ५५ वर्षमाथि भेट्रान्स एकलतर्फको खेलमा देवन लामाले किवाङ्कवाङ्गलाई ६–०, ६–२ ले र ध्रुव गुरुङ्गले अब्दुल रहमानलाई ६–३, ६–२ ले पराजित गरी छनौट भएका छन् । ४५ वर्षमाथि भेट्रान्स युगलतर्फको खेलमा करिमुल्ला मुस्लिम र हेमचन्द्र गुरुङ्गको जोडिले मनोहरदास मुल र अमृत कंसाकारको जोडिलाई ६–१, ६–२ ले र शोभियतमान श्रेष्ठ र मनोज शाहको जोडिले सुशिल पाण्डे र राजेन्द्र घिमिरेको जोडिलाई ६–०, ६–१ ले पराजित गरेका छन् । कैलाश गुरुङ्ग र राजेन्द्र सिंह भण्डारीको जोडि वाक ओभर पाई छनौट भएका छन् ।