दिपक खत्री र रविन घेमखु माउण्ट भ्यु खुल्ला ब्याडमिन्टन प्रतियोगिताको पुरुष एकलतर्फ मंगलवार सेमिफाईनलमा प्रवेश गरेका छन् । बालकोट ब्याडमिन्टन क्लबका दिपकले आफ्नै क्लबका मनिस पराजुलीलाई २१–१० र २१–१५ ले हराए । मध्यपुर ब्याडमिन्टन क्लबका रविनले युवा उत्थान बोर्डेका पुर्ण हरि होनामाथी १७–२१,२१–१२ र २३–२१ को रोमाञ्चक जित निकाल्दै बालकोट ब्याडमिन्टन क्लबका दिपकसग सेमिफाईनलमा भेट पक्का गरे ।
त्यस्तै पुरुष एकलकै अन्य क्वाटर फाईनल खेलबाट सफलता हात पादै प्रेमभक्त जयना र पुर्ण थापाले पनि सेमिफाईनलमा स्थान सुरक्षित गरेका छन् । युवा उत्थान बोर्डेका प्रेमभक्तले शेरवहादुर खड्का स्मृति प्रतिस्ठानका अध्यक्ष रन्जन खड्कालाई २१–१३ र २१–१५ ले हराउदा श्री भक्त ब्याडमिन्टन क्लबका पुर्णले ओम ज्ञान मन्दिरका हरि खड्कामाथी २१–१४ र २१–८ को सहज जित निकालेका थिए । बालकोट ब्याडमिन्टन क्लबको आयोजनामा बालकोट स्थित माउण्ड भ्यु स्कुलको कोर्टमा संचालन भएको प्रतियोगिताको पुरुष डबलतर्फ युवा उत्थानका पुर्णहरि होना र शुसिल होनाको जोडिले आयोजक बालकोट ब्याडमिन्टन क्लबका शुशिल पौडेल र कृष्ण कटुवालको जोडिलाई २१–१९,१९–२१ र २१–१५ ले हराए । त्यस्तै भध्यपुर ब्याडमिन्टन क्लबका रविन घेमसु र सालिक गौतमको जोडिले ओम ज्ञानमन्दिरका मोहन कवे र सुमन खड्काको जोडिलाई १९–२१,२१–१८ र २१–१७ ले पाखा लगाए । पुरुष डबलकै अन्य खेलबाट श्रीभक्त ब्याडमिन्टन क्लबका पूर्ण थापा र राजेश खेतु तथा युवा उत्थानका प्रेमभक्त जयना र शुसिल तुच्छेको जोडिले आफ्नो खेल जित्दै सेमिफाईनलमा भेट पक्का गरेका छन् ।