नेपाल रोप स्किपिङ्ग संघको तीन दिने प्रथम राष्ट्रिय रोप स्किपिङ्ग वर्कसप मंगलबार सम्पन्न भएको छ । १६ खेलाडीहरुको सहभागिता रहेको उक्त वर्कसपलाई भारतिय प्रशिषक निर्देशले प्रशिक्षण प्रदान गरेका थिए ।
एशिया, युरोप र अमेरिकामा प्रचलित तथा सवै खेललाई सहयोग पुग्ने एवं व्यायामको माध्यम रहेको स्किपिङ्ग खेललाई नेपालमा पनि प्रचार प्रसार गर्ने र विकास गर्ने उद्धेश्यले सेमिनार आयोजना गरिएको नेपाल रोप स्किपिङ्ग संघका अध्यक्ष उपेन्द्र पौडेलले जानकारी गराए ।
सोही क्रममा सहभागिहरुलाई प्रमाण पत्र प्रदान गरिएको थियो । समापन कार्यक्रममा प्रशिक्षक निर्देशलाई अध्यक्ष पौडेलले मायाको चिनो प्रदान गरेका थिए ।